"Ashley!"
Lumingon ang dalaga nang marinig niya ang kanyang pangalan. Patakbong lumapit sa kanya si Ian. Malawak ang ngiti ni Ian nang lapitan siya nito.
"Happy Valentine's day!"
Inabot sa kanya ni Ian ang isang bouquet ng pulang rosas. Mayroon ding mga chocolates at cute na wallet. Napangiti si Ashley.
"May paganito ka pa talaga?" natatawang sabi niya sa binata.
"At bakit naman? Valentine's day ngayon. Kaya dapat lang na may ganiyan ka. Lalo pa't ikaw ang babaeng aking sinisinta!" magiliw na sambit ni Ian.
"Letse! Tamis ninyong dalawa! Siguro kayong dalawa na talaga 'no! Ayaw niyo lang ipagsabi?" sabi ni Ella nang lapitan sila.
Pinukol niya ang tingin sa kaibigan. "Ang kulit mo 'no? Sinabi ngang hindi, 'di ba?"
"Hindi pa kami, Ella. Kahit nga panliligaw, hindi ko pa magawa dahil
