Pauwi na sila ngayon. At habang nasa byahe sila, parang gusto na lang ni Hazelle na patigilin ang oras. Gusto niya pang makasama si Gabriel. Ngunit lahat talaga ay natatapos. Kaya ngayon, nasa tapat na sila ng kanilang bahay.
"Salamat sa masayang rides. Hindi ko akalain na magaling ka pa lang kumanta. Pa-humble ka pa diyan," wika ni Hazelle sabay tawa.
Kumamot sa kanyang ulo si Gabriel. "Hindi ko alam. Hindi naman kasi ako nagagandahan sa boses ko. Kaya hindi rin talaha ako kumakanta."
Tumulis ang nguso ni Hazelle sabay irap. "Teka, nauuhaw ka 'di ba? Halika na muna sa loob. Uminom ka muna ng tubig bago ka umuwi."
Tinawagan ni Hazelle ang kanyang ina para buksan ang pinto. Ilang minuto ang lumipas bago bumuka ang pinto. Magulo ang buhok ni Maritez nang bumungad sa kanila. Ibig sabihin
