Nagpaalam muna si Gabriel na kukuha siya ng damit pagkatapos niyang maligo. Parang gusto na muna niyang manatili sa bahay ni Hazelle. Mas ramdam niya ang bahay na iyon. Iba ang pakiramdam niya, iba ang saya kahit na hindi iyon kasing laki ng kanyang bahay.
"Kumusta, sir Gabriel? Nagkaayos na po na kayo ni Hazelle? Pangalawang beses ko na po kayo nakitang masayang umuwi dito," sambit ni manang Fe.
Tumango naman si Gabriel. "Oo, nagkaayos na kaming dalawa. At sisiguraduhin kong hindi na masisira pa ang pamilya namin. Kaunting panahon na lang, dito na sila titira ng anak ko."
Ngumiti si manang Fe. "Mabuti naman po kung ganoon. Siya nga po pala, sir ayos lang po ba kung magkaroon ako ng day off kada linggo? Nandito naman si Mae. Siya na muna ang bahala kapag wala ako."
Kumunot ang noo ni
