"Nasaan ang asawa mo? Este si Gabriel?" tanong ni Maritez sa anak.
Natawa si Hazelle at namula ang mukha sa kilig. "Asawa talaga, 'ma? Sana nga asawa."
"Magiging mag-asawa rin kayo niyan. Kaunting tiis na lang, yayayain ka na ng kasal ni Gabriel. Baka humahanap lang ng magandang tiyempo ang lalaking iyon. Pero nararamdaman kong malapit na nga kayong ikasal."
Bumuntong hininga si Hazelle bago ngumiti. Habang iniisip niya ang pangyayaring iyon, sobra siyang nasasabik at kinakabahan na rin. Gusto na niyang mabuo ng tuluyan ang pamilya niya. At kapag kinasal sina ni Gabriel, doon lang matutupad iyon.
"Sana nga talaga. Excited na akong ikasal sa kanya. May inasikaso siya kaya siya umalis. Mamayang hapon ang balik niya. Alam mo naman iyon, busy din. Oo nga pala, bukas dadalaw ako sa store. T
