PINILIT ko na pakalmahin ang aking sarili pero hindi ko magawa. Habang palayo kami sa kung saan kami galing para akong paulit-ulit na sinasaksak ng maraming beses sa aking likod. Naging mabilis rin ang aming mga lakad, hanggang sa huminto kami sa kung saang parte ng gubat.
May naririnig akong tunog ng pamilyar na sasakyang pang himpapawid. Malakas din ang hangin kaya alam ko na anumang oras ngayon handa n na ito lumipad palayo sa lugar na ito. Lalo akong dinagsa ng kaba at takot. Hindi ko alam kung sino sila? Maging ano ang kanilang tunay na pakay sa akin.
“Naging maayos ba ang lahat? Wala bang naging eksena na maaaring maging problema sa pag-alis natin dito?” Tanong ng boses lalaki, na sa tingin ko para sa lalaking nakaalalay sa akin.
“Wala po. Lahat ay naging maayos.” Maagap na sagot
