Bisita
Nanlumo ako sa kanyang sinabi. Lahat ng aking kagagahan at kabaliwan, tingin niya ay isang laro lamang. Nang makita niyang natigil na ako ay nagloosen ang kanyang balikat na kahit ang mukha ay huminahon.
"Ang akin lang, h'wag kang nakikipagkita sa iba." Mataman niyang sabi at kalmado na hindi katulad kanina.
"Isang pagkakamali ko lang ay titigil kana agad? You didn't even let me explain..." Mariin ko siyang tiningnan.
"It's confusing..." Pabulong niyang sabi saka nahipo ang batok.
Namungay ang aking mga mata at nag-angat ng tingin sa kanya. Sinalubong niya ang aking tingin, ang mukha ay seryoso na naman.
"Ano bang nakakalito?" Naguguluhan ko naring tanong.
Umiling siya at nakagat ang pang-ibabang labi. Nalaglag ang aking tingin sa kanyang braso at hinawakan iyon. Namungay na
