Chapter XIII
Jessica Marie Padilla's POV
Pagkagising ko ay nagulat ako nang makita ko sa living room ang tatlo kong kaibigan, kaya imbes na dumiretso ako sa banyo para maligo ay sila ang una kong nilapitan. Napatayo naman kaagad si Amber nang makita niya ako. Parang gusto kong sumabog nang magkasalubong ang mga mata namin. Gusto kong magsumbong pero hindi ko alam kung saan sisimulan.
Pagkamulat na pagkamulat ng mata ko kanina, ang huli kong nasa isip bago ako matulog ay siyang una ko ring naisip. Si Sam. Hanggang ngayon ay kinukuhestyon ko ang ginawa niya sa akin. Hanggang ngayon ay ang sakit pa rin.
Mabagal ang lakad na nilapitan ko si Amber. Siya na ang kusang lumapit sa akin at kaagad akong niyakap. Napakapit ako sa balikat niya. Pumatak ang luha ko kahit para bang tulala pa rin ako
