Tuluyan nang lumapit si Cassiel at Camiell sa akin upang tingnan kung maayos lang ba ako. Ngunit ngiti lang ang kaya kong isagot sa kanila.
"Humanda na kayo!" sigaw ni Satanas sa mga kampon niya.
Pinilit kong tumayo kahit na alam kong hindi na ako immortal gaya nila. Hindi na ako kasing-lakas ng isang demonyo at wala na akong kapangyarihan.
Isa-isa silang sumugod sa akin at ang tanging nagawa ko lamang ay umilag mula sa pag-atakeng kanilang binibitawan.
Nakipaglaban na rin sina Camiell at Cassiel sa ibang mga demonyo.
"Nanghihina ka na ba? Isa ka kasing tanga!" Nilingon ko si Satanas nang may pangangasar. Wala akong paki kung mahina na ang tingin niya sa akin. Ang alam ko lang ay, nasa panig ako ng tama. Ginawa ko lamang ang alam kong magliligtas sa taong mahal ko, sa mga taong i
