Cassian's POV
"Bakit wala po si Cassiel?" tanong ko sa aking ina na ngayon ay nakayap sa aking ama na si Jerahmeel.
"Aalis daw siya, may pupuntahan lang daw siya anak, ikaw talaga." Kumunot naman ang aking noo dahil sa naging tugon ni Ina sa aking tanong.
Bakit ba lagi na lang siyang nagbibigay malisya sa ginagawa namin ni Cassiel? Wala namang masama kung hahanapin ko siya. Hindi rin ako sanay na hindi ko siya nakikita nang buong maghapon. Para akong mababaliw kapag hindi ko siya nasisilayan.
"Halika nga rito," ani Ama kaya dali-dali akong lumapit sa kaniya at umupo sa tabi nila.
Napatingin ako sa araw na malapit nang lumubog at nagsimula nang mataranta ang dibdib ko. Nag-aalala ako para kay Cassiel. Hindi ko alam kung saang lupalop siya puwedeng makarating.
"Ano ba kayo ni Cassie
