Liliane's POV
"This is the farthest I can be. Kailangan na naming bumalik for another mission," ani ng isang sundalong naghatid sa amin.
Tumango lamang kami sa kaniya at pinanood silang umalis.
"So," basag ni Jessie sa katahimikan.
Napairap na lamang ako at nagtuloy-tuloy paglalakad habang naghahanap ng pansamantala naming matutuluyan.
Ilang araw lamang mula ng paghaharap naming iyon ay ipinadala na kami rito sa labas.
Magkahalong tuwa, takot at kaba ang bumabagabag sa akin.
Tuwa dahil masisilayan ko na rin sa wakas ang mundo rito sa labas. Mula kasi nang mapunta kami sa isla ay hindi pa ako nakakaalis doon.
Ngayon lamang...
Kaba, para sa kung ano mang mangyayari sa amin dito. Sa biyahe pa lamang ay may mangilan-ngilan akong nakikitang zombies. Zombies na ngayon ko lamang nakita
