“Sir Archie, may sasabihin po ako…” panimula ko.
Binitawan ng kaniyang mga mata ang laptop na kaharap. Nang marinig na seryoso ang aking boses ay itinuon niya sa akin ang buong atensyon. Binasa ko ang aking mga labi.
“Ano iyon, Clara?” Bahagyang kumunot ang noo ni Sir Archie.
Habang nakatingin sa kaniyang mga mata ay muli kong tinanong ang sarili, iyong mga tinanong ko kagabi. Kung dapat ko bang sabihin ang aking mga nalalaman o hindi, kung kailangan ko bang ipagkatiwala mismo kay Sir Archie ang isang bagay na alam kong maaaring maging lalong kasiraan nilang mag-asawa.
Pero... habang kaharap siya mata sa mata, pakiramdam ko, kahit hindi ko na tanungin ang aking sarili ay matagal ko nang alam ang sagot.
“Sir, paano
