PAGKAPASOK ni Bithia sa kanyang kuwarto ay agad siyang napadapa sa kama niya at doon umiyak nang umiyak.
"After four years saka lang siya nagpapakaama sa akin. Ano ba ang akala niya sa akin, laruan? Iiwanan sandali at pagkatapos ay babalikan na lang ulit." Himutok niya habang umiiyak pa rin.
Habang sa labas ng kanyang pintuan ay may isang nakikinig. Sumandal siya sa pinto at napapikit ng kanyang mga mata.
Gusto sanang kumatok ni Fergus. Tatanungin lang sana niya ito kung okay lang ang dalaga. Pero nag alangan siya. Kay Bithia na mismo nanggaling na ayaw siya nitong makita.
Dahan dahan niyang pinihit ang seradura, narinig niya ang pag-click ng pinto. Nakahinga siya ng maluwag nang malamang bukas ang pinto. Binuksan niya 'yon at nakita itong nakadapa patalikod sa pinto.
"Stand up, Bithi
