Pabalik-balik siya ng tingin kay sir Luke at sa bisita ng mga ito, hindi niya maipagkakaila ang kakaibang liwanag sa mata ng binata habang nakikipagkwentuhan sa naturang babae.
Naroon nga naman iyong katotohanan na maganda ang babae. Kabigha-bighani ang mahaba nitong buhok at malalambing nitong mga mata at para bang nang-aakit ang mapupulang labi ng binibini.
"Bakit nandito ka?" ngiting-ngiting sabi ni sir Luke dito habang pinaghahainan ito ng pagkain.
"She'll be staying with us from now on," agad na singit ni mam Lucy dito.
Kita naman ang lalong paglapad ng ngiti ni sir Luke sa sinabi ng kakambal at tila panandalian pa itong napatulala.
"Really! I mean, that's great," tuwa-tuwa nitong sambit, para bang nanalo ito sa lotto dahil muntik pa itong mapatalon sa kina-uupuan.
"Umayos ka ng
