Halos tulala pa rin siya ng mga sandaling iyon, kahit ang lamig ng tubig na pinanghuhugas niya ng pinggan ay hindi niya nadarama sa sobrang pagkamanhid dulo’t ng panibugho.
"Hi there!" bati ng babae sa kanyang likuran.
Nakangiti itong sumampa sa may kitchen counter habang humihithit ng sigarilyo.
Napalunok na lang siya ng bahagya sa nadaramang pait
pakayuko ng ulo upang mag-iwas ng tingin sa babae.
"Good morning po mam," pilit ngiting bati niya na lang.
"Puyat?" natatawa nitong pansin sa mugto niyang mata.
"Uhm, si Miko po kasi nananaginip kahapon," pilit pasubali na lang niyang sabi dito.
"Really?" mapanuya nitong sambit bago ulit humithit sa sigarilyong hawak.
Ilang na ilang siya habang naghuhugas dahil sa pananatili nito sa kanyang tabi, subalit hindi niya magawang umalis dahi
