"Jordan, salamat nga pala sa pagpasyal mo ulit sa amin," ngiting sambit niya pakaabot ng bigay nitong ice cream.
Wala siyang masabi sa kabaitan ng naturang binata, halos nakakailang bisita na rin ito sa kanila at panay ang pagsasama nito sa kanila sa mga pinupuntahan at lakad. Hindi naman iyon naging problema dahil na rin sa pumayag naman si mam Lucy nang magpaalam siya rito.
"Wala iyon, hindi pa ba bumabalik sina Luke?" pilit ngiti nitong tanong.
Muntik na siyang masamid sa kinakain dulo’t ng gulat at konsensya. Lagi kasi nitong naitatanong ang bagay na iyon, kaya naman ipinaalam niya na ito sa mga amo, subalit mahigpit na inihabilin sa kanya na huwag muna magsasalita ukol kung nasaan ang mga ito.
"Wa...wala pa kasi akong balita," napapayuko niyang saad.
Halata naman ang lungkot
