LANCE
Nang sumunod na araw ay work from home si Dye. Wala ng kailangang gawin sa wedding at lahat ay inaasikaso na ng wedding planner namin. Ako naman ay may meeting ngayong alas nuwebe ng umaga kaya maagang umalis ng bahay. Makulimlim ang langit sa labas at nagbabadya ng ulan. Wala pa naman akong dalang payong.
Bahagya pa akong nagulat nang magring ang cellphone ko. Sinagot ko 'yon ng hindi tumitingin sa screen.
"Hello."
"Lance, good morning," bati sa akin ng babae sa kabilang linya.
Napakunot ako ng noo. "Who is this?"
"It's Eliana. Sorry to bother you, gusto ko lang sanang magpasalamat sa ginawa mo para sa aming mag-ina."
Hindi ko pa nakikita ang tinutuluyan nila pero alam kong maayos ito at hindi biro ang thirty thousand a month na upa. Utilities are included at fully furnish
