ISANG napakalalim na buntong-hininga ang pinakawalan sa ere ni Gelaena habang nakaupo siya sa gilid ng kama. Katatapos lamang niyang maligo at ngayon ay nakasuot lamang siya ng puting robe at isinuot niya rin ang kaniyang panloob na naiwan niya noong nakaraang linggo. Wala sana siyang balak na maligo dahil tapos naman na siyang maligo kaninang tanghali. Pero nang pumasok sa isip niya na baka nakakahiya kay Gawen kung amoy panis na pawis siya ay nagmamadali na rin siyang naligo nang makapanhik siya sa silid na ginagamit nila ni Emzara sa tuwing nagtutungo sila roon sa farm.
Kanina pa siya kinakabahan at hindi malaman kung ano ba ang kaniyang gagawin. Ang puso niya ay mas lalo pang lumalakas ang pagkabog na halos lumabas na iyon sa kaniyang dibdib.
“Ugh, Gelaena! Bakit ka ba kasi pumayag
