“Gio, ang bagal mo.” irita kong sabi dahil mas binagalan niya pa ang paglalakad.
Alas tres pa lang ng madaling araw at kumatok ako sa pinto ng kwarto ni Gio. Bali ang kwarto ko ay katabi ng kwarto ni Code at ang katapat kong kwarto ay kwarto ni Frost, habang katabi naman ng kwarto ni Frost, ay ang kwarto ni Gio. Nagising ako ng alas tres dahil sa gutom. Paggising ko ay wala pa rin si Leaf at mukhang walang balak na bisitahin ako ulit.
“Gio, bilis na.” saad ko habang mahigpit na nakahawak sa tela ng suot niyang pang-pasyente mula sa likuran at sobra pang nakadukdok ang mukha ko sa likod niya. Nakakainis kasi ang gagong ito! Ang ganda-ganda nang paglalakad namin ng may mga nurse ang tumatakbo habang itinutulak ang isang pasyenteng nakahiga. Sinabi ni Gio na duguan raw ang pasyente kaya n
