“Good evening!”
Nakangiting bati ni Gio nang salubungin niya ako sa labas ng bahay namin habang nakasakay naman ako rito sa motor ko. Sobra rin ang ngiti niya na para bang tuwang-tuwa nang makita ako.
Ano namang ginagawa ng isang ito ri—s**t! Ngayon ko lang naalala, nagchat nga pala sa akin si Gio at sinabing susunduin niya ako ngayong gabi.
“Where are you going?” takang tanong ni Gio at tiningnan pa ang sasakyan ko. Tinanggal ko naman ang full-faced helmet ko para makausap siya nang maayos.
“Gio, nakalimutan kong susunduin mo nga pala ako ngayon...” paninimula ko at biglang kumunot naman ang noo niya. “Pupunta ako ngayon sa Bitukang Manok, nagparegister ako kay Chase dahil may karera mamaya.” dagdag ko pa at sinabi ang totoo. Ang kaninang kunot-noo ay para bang napalitan nang pagka
