PUMASOK kami sa isa sa mga cabin dito sa camp nila Uncle Lucius. Kasama ko sina Ash, Tam, Uncle, isang batang babae, at isang matandang babae. Ang loob ng cabin ay may iba’t ibang mga bagay na mukhang pang-ritual. May nakita pa akong ulo ng buwaya, mga buto na nagkalat sa dingding, mga makalumang instrumento ng musika ang nakasabit sa pader, at kung anu-ano pa. Mayroon ding mga bungo na may kandila. Mas witchy pala ang kwarto ng mga Shaman kaysa sa talagang witch.
“Shana, this is Umma Hakcho. Ang Shaman ng aming tribo,” pagpapakilala sa akin ni Uncle Lucius sa kanilang Shaman.
“Hello po.” Makikipagkamay sana ako kay Umma Hakcho pero tiningnan niya lang ako mula ulo hangang paa.
“Ikaw ba ‘yong babaeng habulin ng Demons?” masungit na tanong ni Umma sabay tinaasan niya ako ng kilay.
“Uhm
