BIGLANG tumahimik ang paligid. Ang tanging naririnig ko ay ang huni ng mga insekto, at ang paghampas ng hangin sa mga puno at halaman. Nalalapit na rin ang paglubog ng araw at ang paglabas ng buwan.
Masama ang tingin sa akin ni Cara at mahigpit ang hawak niya sa dagger. Tila sinusuri ng kanyang mga mata kung paano niya ako aatakihin. Ako nama’y pinakikiramdaman kung ano ang susunod niyang gagawin.
Humakbang si Cara pakanan sabay pakaliwa. She’s doing side steps para hindi ko makita kung saan magmumula ang kanyang atake. Umaatras naman ako sa tuwing lumalapit siya ngunit sa bilis niya… naabot niya ako at sinubukang gamitan ng dagger. Nasalag ko naman ang sunod-sunod na paghiwa niya, buti na lang at kasinlaki ng katawan ko ang angelus round shield. From my shoulder to my waist, ang laki ni
