TRAVIS couldn't take his eyes off Catherine. Hindi niya maalis ang tingin dito dahil natatakot siya na baka kapag nalingat lang siya ay baka mawala na lang ito bigla sa paningin niya. Baka abutin na naman ng ilang taon bago niya ito muling makita.
Nang sandaling iyon ay gusto ni Travis na lapitan si Catherine, gusto niya itong makausap, gusto niya itong muling mayakap. Gusto niyang muling maramdaman ang init ng katawan nito. Gusto niyang iparamdam dito kung gaano niya ito na-miss. Pero hindi siya magkaroon ng pagkakataon dahil halos hindi umalis ang dalawang kaibigan nito sa tabi ni Catherine, na para bang nanadya ang dalawa para hindi niya malapitan at makausap ito. Na para bang sasaktan niya si Catherine.
At hindi napigilan ni Travis ang mapakuyom ng kamao nang maalala niya ang sagli
