PASIMPLENG kinagat ni Catherine ang ibabang labi ng maramdaman niya ang init ng titig ni Travis sa kanya. Kanina pa niya ito na nahuhuli na nakatitig sa kanya, para kasing hindi nito inaalis ang tingin sa gawi niya, na para bang natatakot ito na baka sa minsang pagkurap nito ay mawala siya agad sa paningin nito. Na para din bang siya lang ang nakikita ng mga mata nito ng sandaling iyon.
Ingat na ingat din naman siyang mag-angat ng tingin dahil baka magtama na naman ang paningin nila. Baka isipin nito na tinititigan din niya ito kapag hindi ito nakatingin sa kanya gaya na lang sa nangyari kanina.
Kaya sa halip na mag-angat siya ng tingin ay pinatili na lang niya ang tingin sa hawak na cellphone. Ka-chat niya si Anna, nangangamusta kasi ito.
Nandiyan ba si Travis?
Napanguso si Catheri
