"ANG gwapo naman ng anak ko," nakangiting komento ni Catherine kay Calvin pagkatapos niya itong bihisan ng sandaling iyon.
Ngayong araw ang ipinangako niya kay Calvin na papasyal silang dalawa. At mas lalong lumawak ang ngti sa labi niya nang makita ang pamumula ng pisngi nito. Ang anak niya, marunong ng mamula ang pisngi. Mukhang malapit ng magbinata.
"Mommy naman po, eh," wika nito sa kanya.
"What?" natatawang wika niya kay Calvin. "Totoo naman, ah. Ang gwapo-gwapo ng anak ko. At ang bait pa," dagdag pa na wika niya.
Hindi na nga napigilan ni Catherine ang matawa nang makita niya ang pagkibot-kibot ng labi nito.
"Mommy?" mayamaya ay sambit ng anak sa kanya.
"Hmm?"
"Kamukha ko ba, Daddy ko?" Nawala ang ngiti sa labi ni Catherine ng marinig niya ang tanong ng anak sa kanya. Sh
