BUMABA ang tingin ni Catherine sa hawak na cellphone nang marinig niya ang pagtunog ng ringtone niyon. At nang tingnan niya kung sino ang tumatawag ay nakita niyang si Brad iyon.
"Hello?" wika niya ng sagutin niya ang tawag ni Brad.
"Catherine," wika naman ni Brad sa pangalan niya.
"Napatawag ka, Brad?" tanong niya dito.
"Itatanong ko lang kung gusto mong sumabay na sa amin patungo sa Haven's," wika nito sa kanya sa dahilan kung bakit siya nito tinawagan. "Sasabay na sa akin si Anna dahil tinatamad daw siyang mag-drive. Baka gusto mo ding sumabay sa amin para hindi aksaya ng gas. Daanan ka namin diyan," imporma nito sa kanya.
"Thanks, Brad. Pero hindi na," wika niya dito. "Sasabay na kasi ako kay Tita Grace, naimbitahan din kasi siya ni Mother superior sa anibersaryo ng Haven's,"
