"TITA, umuwi muna kayo. Ako na po ang bahala na magbantay kay Tito James," wika ni Travis kay Tita Cathleya nang lapitan niya ito.
Kanina pa umalis ng ospital si Tito Lucas at Tita Dianne. Sinasabay na nga siya ng mga ito dahil bibisitahin din daw ng mga ito ang apo pero tumanggi si Travis. Sinabi niyang maiiwan siya doon para samahan si Tita Cathleya. Hindi siya nagpaiwan hindi dahil hinihintay niya ang pagdating ng mag-iina niya doon. Nagpaiwan siya dahil kay Tita Cathleya na nang sandaling iyon ay kailangan nito ng kasama. Hindi niya ito pwedeng iwan doon na mag-isa.
Nag-angat naman ito ng tingin patungo sa kanya. Umiling ito ng magtama ang mga mata. "Dito lang ako, Travis," sagot nito sa kanya. "Baka mamaya magising si James at hanapin ako," dagdag pa na wika nito.
Hindi naman na
