"PO?"
Narinig ni Catherine na tanong ni Calvin kay Travis ng marinig nito ang sinabi ng huli dito. At bago naman ulit makasagot si Travis ay inunahan na niya ito. "Calvin, anak," tawag niya dito dahilan para masulyap ito sa kanya.
"Po? Mommy ko?" tanong naman nito sa kanya ng magtama ang mga mata nila.
"Go to our room na. And wait Mommy there, okay?" wika ni Catherine sa anak sa masuyong boses.
Lihim naman niyang kinagat ang ibabang labi nang makita ang pag-aatubili ng anak na sundin ang sinabi niya, napansin pa nga niya ang pagbalik nito ng tingin kay Travis. At iyon ang pagkakataon na nakita niya ang pag-atubili ng anak na sundin ang sinabi niya. Eh, dati-rati kapag may sinasabi siya o may inuutos ay mabilis itong nag-o-okay.
Muling inilipat ng anak ang atensiyon sa kanya. "Oka
