MABILIS na nagmulat ng mga mata si Catherine ng maramdaman niya na wala na si Calvin sa tabi niya. Hindi nga din niya napigilan ang mapakunot ng noo nang hindi niya ito makita sa kinahihigaan niya. At wala din ito sa loob ng kwarto.
"Calvin, anak?" tawag niya. At nang walang sumasagot ay bumangon siya mula sa pagkakahiga niya sa kama. Bumaba din siya mula sa pagkakasampa niya sa kama para hanapin kung nasaan ang anak. Hindi naman kasi iyon umaalis sa tabi niya hanggang sa hindi siya nagigising.
Kung hindi siya nito hinihintay na magising ay gigisingin siya ng anak niya kaya nagtataka siya kung bakit wala na ito sa tabi niya.
Lumabas siya ng kwarto. At hindi niya inaasahan ang eksena na nakita sa may sofa sa sala niya.
Naroon kasi ang hinahanap niya, naroon si Calvin at kasama nito
