Marahan na hinawakan ni Martin ang isang kamay ni Daisy matapos maalala ang tagpo na iyon sa opisina niya noon. Naisip niya na hindi nagawa ni minsan ni Daisy sa kanya ang ayusin ang necktie niya, dahil hindi niya binigyan ng pagkakataon ang asawa na gawin ang bagay na iyon sa kanya. Simula ng labag sa loob na pagpapakasal siya dito noon. Mabini niyang kinintalan ng banayad na halik ang likod ng palad ng asawa tsaka siya nagpasya na lumabas ng kwarto. Inabala niya ang sarili sa pag-iikot-ikot sa malawak nila na harden. May mga tanim na rosas ang mommy niya kaya naisipan niya na pumitas ng ilan. Balak sana niya iyon na ibigay kay Daisy pero kinakahiyaan niya na gawin iyon. Bitbit ang ilang tangkay ng rosas na pinitas niya ay pumasok siya sa loob ng kabahayan. Sakto naman na kababa lang din
