"Mahal mo pa ba ako?" Natahimik si Martin sa tanong sa kanya ni Aprille. "May nagbago ba, Ha? Martin?" Patuloy na sabi nito sa kanya. Nanatili pa rin siya na walang kibo. Lumakad papunta sa harap niya si Aprille at hinawakan siya sa magkabilang pisngi gamit ang dalawang palad. Saka siya pilit na hinalikan sa labi. Mabilis niya na binawi ang sarili mula rito. Napahiya naman si Aprille sa nangyari. Nangilid ang mga luha niya sa naging tugon ni Martin sa halik niya.
"May asawa na 'ko, Aprille..." Sabi niya.
Malutong na humalakhak si Aprille sa narinig na sinabi niya.
"Pero hindi mo s'ya mahal 'di ba?" Mariin tanong nito kay Martin na nakatitig sa mga mata. At lihim na umuusal ng panalangin na huwag sanang marinig mula sa bibig ng lalaki ang pinakamasakit na bagay na ayaw niyang marinig
