"Thank you for saving me from bad guy," humihingal pa na pasasalamat ni Martin kay Daisy matapos nito na saidin ang isang basong tubig, at pagkatapos ay niyakap ito ng mahigpit. Natulala naman si Daisy sa pagyakap na iyon ni Martin sa kanya. Niyayakap naman siya ng mga kalaro niya at okay lang iyon sa kanya pero ang yakap na iyon ng bata na ngayon lang niya nakita at nakilala ay kakaiba sa kanya. Siguro dahil cute ito at mabango di tulad ng mga kalaro niya na amoy araw at pawis. Bigla ay nahiya siya sa amoy niya dahil ang bango-bango ng bata na niligtas niya. Gumanti siya ng yakap rito at pagkatapos ay pinaghiwalay ang magkayakap na mga katawan saka nagsalita.
"Sus! Wala 'yon! Maliit na bagay, pero aaminin ko sobrang kaba ko kanina as in 'yun t***k ng puso ko, ang tunog tugdug-tugdug!" P
