After three days ay inihatid na sa huling hantungan ng labi ni Daisy. Umuwi si Martin sa bahay nilang mag-asawa na halos hindi niya magawang ihakbang ang mga paa niya papasok sa loob dahil ang mukha ng asawa niya ang naalala niya. Simula sa living room, kitchen area at lalo naman sa silid nilang dalawa. Sumisikip ang dibdib niya sa lahat ng panig ng bahay sa kakaisip sa kanyang namayapang kabiyak. Pero kahit anong gawin niya ay huli na para magsisi pa siya. Hindi na niya maibabalik pa ang buhay ng asawa niya kahit lumuha pa siya ng dugo. Lupaypay ang mga balikat na lumakad siya papunta sa mini bar sa kitchen saka kumuha ng isang bote ng whisky at tinungga ang laman niyon. Gumuguhit ang tindi ng pait ng alak sa lalamunan niya nang sunod-sunod na lagukin niya ang alak. Kasabay ng kirot ng pu
