"Jhajha?!" Hindi makapaniwala na bulalas ni Daisy sa pangalan ng kaibigan nang makita niya ito sa labas ng pinto. "Ang laki na ng t'yan mo!" Nakangiti na wika niya saka marahan na hinaplos ang umbok na tiyan ng kaibigan. "Hali ka pasok kayo," aniya sa mag-asawa. "Teka, anong nakain mo at naisipan mo akong dalawin?" Aniya rito habang inaalalayan sa braso patungo sa sofa.
Tumigil sa paglalakad si Jhamaica tsaka pumihit paharap sa asawa na nasa likod lang nila nakasunod. Tinuro nito ang asawa gamit ang nguso. "Ang asawa ko!" Pilyang sambit nito saka matinis na humalakhak.
"Hoy, ikaw. Manganganak ka na't lahat ang pilya mo pa, ha!" Sita ni Daisy sa kaibigan. "Kaya sunod-sunod ang anak mo, eh! Mukhang ikaw na yata ang nagyaya tuwing gabi!" Palatak pa nito.
"Of course not! But, sometimes!"
