HEAVEN SCARLET
Pagmulat ko ng aking mata ay isang maliit na silid ang nabungaran ko. Pinagmasdan ko ang aking paligid at natigilan ako sa mukha ni Rain na payapang natutulog habang nakaupo at nakatungo sa kamang hinihigaan ko. Niyugyog ko ng mahina ang kanyang braso para magising siya.
Unti-onting nagmulat ang kanyang mata at bumangon sa kanyang pagkakatungo. Kinusot-kusot muna niya ang kanyang mata at nang luminaw na ang kanyang paningin at matitigan ako ay bigla siyang umayos ng pagkakaupo.
"Ms Heav- I mean Xyra, gising ka na? Kumusta ang pakiramdam mo? May masakit pa ba sa 'yo?" sunod-sunod na tanong niya sa akin.
Pansamantala pa siyang natigilan nang muntikan banggitin ang code name ko. Isang simpleng ngiti ang ginawad ko sa kanya bilang tugon.
"Ayos na ko, Rain. Nasa clinic ba
