NAKATITIG si Louie kay Giana at nakita niya ang lungkot sa mukha ng asawa habang sinasabi ang mga katagang iyon. Mahal siya ng asawa, alam naman niya iyon dahil bago ito umalis ay sinabi ni Giana, na mahal siya nito at dahil din sa pagmamahal kaya pinili nitong bitawan siya. Inaasahan naman talaga ni Louie, na pupuntahan siya ni Giana dahil sa ginawa niya sa career nito pero hindi niya inaasahan na makikipagbalikan ito sa kaniya.
Iyon nga sana ang plano ni Louie, gamitin ang kayamanan at kapangyarihan niya para maapektuhan ang career ni Giana at higit pa doon ang gagawin niya kapag hindi pa rin bumalik sa kaniya ang asawa. Gagawa siya nang paraan para si Giana, na mismo ang bumalik sa kaniya at hindi pa rin niya ito susukuan hanggang huli.
Hinawakan ni Louie ang kamay ng asawa at hinila
