Sumakay ng elevator si Giana kasama ang mga kaibigan ni Louie at si Klay na ang pumindot ng button pababang ground floor. Napatingin siya sa mga matatangkad na kaibigan ni Louie at napangiti siya rito.
“Bakit bigla kayong bumait sa akin?” usisa ni Giana sa mga ito. “Manlilibre pa kayo sa akin?” may halonh biro naman ang boses niya.
“Mabait naman kami sa’yo. Ikaw nga itong laging hindi nice sa amin noon bago pa nawala ang alaala mo,” tugon ni Conrad sabay kamot sa batok nito.
“Alam ko kasing kampi kayo kay Louie at masama ang tingin niyo sa akin,” tugon ni Giana.
“Hindi sasama ang tingin namin sa’yo kung hindi mo ipinakita sa amin, na masama ka. Ang dami mong ginawang kalokohan kaya at inakala rin talaga namin, na niloloko mo si Hance,” seryosong tugon ni Klay sa kaniya.
“So, alam niyo
