BAGO lumuwas si Giana ng Maynila, ay tinawagan na muna niya si Juana kung nasa bahay pa si Louie para alam niya kung saan ito matatagpuan at makakausap. Sinabi ni Juana na pumapasok na sa trabaho si Louie at naging masiyado nang abala ang asawa niya, na halos hindi na rin nakakauwi ng ilang-araw kaya imbes sa bahay na siya dumiretso ay sa kompanya na ni Louie siya pumunta. Sumakay na lang si Giana ng taxi para mas safe at diretso na siya sa lugar na pupuntahan niya.
Maagang gumising si Giana at kahapon nang makausap niya si Oliver, ay nagpaalam na siya sa mga magulang na luluwas ng Maynila para kausapin na si Louie pero nilihim niya ang ginawa ng asawa sa mga nobela niyang ipu-pull-out ng kompanya ni Oliver. Alas-nueve na ng umaga nang makarating siya sa kompanya ng asawa at dumiretso na
