KINABUKASAN bago tuluyang nagbiyahe paalis si Louie ay isinabay na si Giana ng asawa at inihatid sa grocery store kasama si Juana. Namili si Giana hindi lang para sa kanila ni Juana kundi pati na rin para sa mga magulang at mga kapatid at ganoon na rink ay Micos na habang iniisip niya ang pamangkin ay napapangiti siya sa saya. Nakakalungkot na nawalan siya ng anak subalit dahil kay Micos ay biglang parang napunan ng pamangkin ang kalungkutan niya lalo pa at napakalambing nitong bata.
Pag-uwi nila Giana at Juana ay dumiretso sila sa bahay na tinutuluyan nila saka si Juana na ang pinag-ayos niya ng mga pinamili para sa kanila. Naglakad na siya sa bahay ng mga magulang dala ang dalawang plastic bag na grocery at si Henrietta ang nagbukas ng pinto, na nagulat pa nang makita siya.
“Bakit nan
