PARANG natuod si Giana sa kinatatayuan at mabilis na kumabog ang dibdib niya lalo na at masama ang tingin nito sa kaniya at nakikita niya sa emosyon ng mukha nito ang pagdududa.
“Nagkikita pa rin pala kayo hanggang ngayon,” sabi pa nito na ikinakagat ng labi ni Giana.
“Arealli—“
“Ano? Hanggang ngayon ba ay may relasyon kayo?” sarkastikong tanong ng kapatid niya.
“A-ano bang sinasabi mo? Wala kaming relasyon ni Dominick,” pagtatanggol niya sa sarili.
Sa tingin ni Giana base sa mga tingin ni Arealli ay may nalalaman ito at mukhang ‘tungkol sa kanila iyon ni Dominick.
“Arealli, makikipag-usap lang ako sa Ate mo at wala kaming ginagawang masama,” sabat ni Dominick.
Masama ang tingin na nilingon niya si Dominick lalo siyang nakaramdam ng galit dito dahil pati kapatid niya ay may alam sa
