SAM’s POV
Hinatid ako ni kuya Ben sa condo nang maaga. Tinawagan pala kasi siya ni Tim para sunduin ako kaya naman hindi na ako nakapagpaalam pa kay ma’am Maria.
“Kuya Ben, maraming salamat po sa paghatid sa akin ah,” ngiti kong sabi rito.
“Wala po iyon, Ma’am. Basta po huwag na po kayong papasok gaya po nang sinabi sa inyo ni sir Tim kanina,” paalala nito sa akin.
“Oo nga po pala. Hindi ko nga po alam kung bakit ayaw niya akong papasukin eh okay lang naman po sa akin na pumasok ako kasi nga po marami po akong trabaho na tatapusin,” mahaba kong paliwanag dito.
Napatawa naman si kuya Ben sa akin.
“Ma’am, gano’n na po talaga si sir Tim. Inaalala niya lang din po kayo. Hindi po kayo nakatulog nang maayos at hindi rin po kayo nakapagpahinga nang maayos kaya tama lan
