"May contact na ba kayo kay Kazimir?"
Nandito na ngayon ang mga kaibigan ni Kazimir. Kasalukuyan silang nandito sa aking silid para mag-usap. Gusto ko silang kausapin pero hindi ko magawa. Parang wala akong lakas makipag-usap at sumali sa kanilang usapan lalo na at halatang seryoso ang kanilang mga awra.
"Hindi ako maka-connect sa earpiece niya," saad ni Elijah.
"Sh-t! Baka nasira?"
"Possible. Pero sinusubukan kong i-track ang kaniyang location. Tinatanong kasi ako ni Miranda," saad muli ni Elijah habang nagtitipa sa kaniyang laptop.
"Terrence Beau?" paninigurado ni Knight.
"Yeah," sagot ni Elijah. "Sumunod kasi sila kay Kazimir. Kulang daw ang mga tauhan niya roon. Pero kanina pa putol ang linya ni Kazimir so I can't connect to his earpiece."
Umusbong ang takot sa aking puso lalo n
