Chapter 99 : Burahin ang alaala
Bori’s POV
Tinamaan ako ng mga suntok ni Felix. Hindi ko inaasahan na magaling siya sa pakikipaglaban. Hindi pa siya gumagamit ng kapangyarihan, pero nasasaktan na ako sa mga suntok niya sa mukha at katawan ko. Kung wala akong kakahayahang pagalingin ang mga sugat sa katawan ko ay tiyak na matatalo at manghihina ako. Kung minsan pa ay brutal ang mag-ama. Bigla-bigla na lang pumapasok si Mang Tano sa laban namin. Gumagamit ito ng power element, gamit ang bato sa lupa ay bumubuo ito ng mga matutulis na sandata na itatarak niya sa tiyan ko. Hindi puwedeng hindi iyon tatagos sa tiyan ko dahil matulis at matindi ang pagkakatama niyon sa katawan ko. Alam ko naman kung para saan iyon. Sinasanay na niya kasi akong maging mabilis ang pag-heal ng sugat sa katawan ko
