Chapter 36 "Confession"
Sa unang pagkakataon na pumasok ako ng school ay ngayon ko lang nais na hilahin ang orasan para maghapon na. Gusto ko ng matapos ang araw, dumating ang hapon at magkausap kami ni Akane. Hindi ko maiwasang hindi makadama ng kaba ngunit mas nangingibabaw sa loob ko ang paghahangad na malaman ang totoo. “The more you wait, the slower the tick of the clock will be.” Mula sa orasan kong nasa palapulsuhan ay nag-angat ako ng tingin sa nagsalitang si Milka. Naupo siya sa tabi ko samantalang si Aila naman ay hinila ang upuan na nasa harap ng table ko. “Bakit ba pakiramdam ko ay gustong-gusto mo nang umuwi?” makahulugang tanong sa akin ni Aila habang iniaabot sa akin ang bottled water. “Wala lang,” kaswal kong tugon. Tahimik na nagkatinginan silang dalawa. Bakit parang mas nagkakaintindihan
- Writer
