---
Masayang lumabas ng paaralan sina Augustus at Farrah, maliban sa mga kaibigan ng dalaga na nakasunod sa kanilang dalawa. Madilim naman ang mukha ni Noah dahil kitang-kita niya ang kalandian ng dalaga.
Dahil gusto niyang sirain ang moment ng dalawa, lumapit siya kay Farrah at hinila niya ito palayo kay Augustus. Salubong ang kilay ni Farrah na tumingin sa kanya.
"Baka nakakalimutan mo, pagseselosin natin siya!" Bulong niyang paalala sa dalaga.
"Harot kasi, harap-harapan ang pagtataksil kay Noah!" Pagpaparinig naman ni Maxima na kanina pa naiirita. Lantaran na kasi ang kalandian ng kanyang kaibigan, at tila gustong-gusto naman ni Augustus. Nag-e-enjoy pa sa ginagawa nilang dalawa.
"Pumayag akong kumain tayo dito sa labas, pero dapat sa akin ka humawak, hindi sa lalaking 'yan!" M
