"Ano ba itong suot natin, Nero?" inis kong tanong sa lalaki. Paano ba naman kasi kagagaling pa lang namin sa paglalakbay at isang araw pa lang ang nakalipas noong nagpunta kami sa konseho ay umalis na naman kami kinabukasan.
"Huwag ka na ngang umangal pa!" mariing bulong ni Nero sa tenga ko. Nasa likod kami ng karwahe. May mga bigas at mga iba't-ibang prutas ang naririto ngayon sa likod. Pumuslit lang kami upang makapasok sa lupain ng mga kalaban na walang iba kung hindi ang mga gangster. Kilala rin sila sa tawag na mga magnanakaw at butangero.
Nasa sentrong bahagi ng kaharian ang kanilang lupain. Talamak ang nakawan at gulo sa lugar na ito. Wala rin kasing pakialam ang kasalukuyang namumuno ngayon sa lupaing ito pagdating sa kapayapaan. Hinahayaan niya lang ang mga tauhan nito na mag
