Kanina pa ako takip nang takip sa leeg ko na parang kinagat ng dinosaur dahil sa kapulahan nito. Ang buong akala ko ay mawawala agad ang nilagay na marka ni Nero sa leeg ko ngunit nagkamali ako. Ilang araw na ba simula nang umalis kami sa isla? Kahit anong gawin kong kuskos ay hindi pa rin mawala-wala ang marka na nakadikit sa aking leeg. Panay lang ako sa paghawi ng buhok ko upang matakpan iyon dahil ayaw ko naman ipangalandakan itong ginawa ni Nero sa akin.
"Aking irog!" Napabuntong-hininga na lamang ako nang narinig ko ang boses ni Silver. Bakit na naman siya nandito sa tambayan ko at paanong nahanap na naman niya ako?
"Puwede ba?" naiinis kong sabi sa lalaki.
Simula nang makauwi kami ni Nero ay nagsimula na ring guluhin ni Silver ang buhay ko. May minsan na bigla-bigla na lang su
