Nagising ako na tila nagliliyab sa init ang aking katawan. Napakainit sa pakiramdam at para akong dinaganan ng malaking bato sa dibdib. Dilat na dilat ang aking mga mata na nakatitig lamang sa may bubong ng bahay. Pilit kong inaalala ang huling nangyari hanggang sa may pumasok na mga imahe sa isip ko. Kinapa ko ang sariling katawan. Mula sa mga binti at sa mga kamay. Napatayo ako mula sa pagkakaupo at dali-daling lumabas upang kumpirmahin itong nakikita ko. Gusto kong sabihin nila na hindi lang ito isang panaginip.
Pagbukas ko ng pinto ay agad sumalubong sa aking paningin si Nero. Kasalukuyang nakaupo lamang ang lalaki habang ang mga mata nito ay nakapikit na tila ba nagpapahinga siya. Hindi ko alam kung saan nanggagaling itong mga luhang bigla na lamang pumatak sa aking mga mata. Napah
