Special Chapter
"Ma'am, may bisita po kayo," saad ng sekretarya ko habang inaasikaso ko ang sandamakmak na papel sa aking harap.
Niluwagan ng aking sekretarya ang siwang ng pinto at napangiti ako nang makita kung sino ang pumasok. Tinanggal ko ang suot kong coat saka nakangiting binuka ang aking mga kamay.
"Mommy!" magiliw na saad ni Yvo habang tumatakbo palapit sa akin. 4 years old pa lang siya ngunit tila 9 years old sa kulitan niya.
Yumakap sa akin ang anak kong nakasuot pa ng cute na corporate attire at hinalikan ako sa pisngi. Gustong-gusto niyang gayahin ang kanyang papa kaya gustong-gusto naman ng aking asawa.
"Kiss mo sa lips si mommy," saad ko at ngumuso ngunit tinakpan niya ang kanyang labi.
"No, that's for daddy only," aniya kaya natatawa kong pinanggigilan ang kanyang pis
