Epilogue
Dalawang Linggo na ang lumipas simula nang malaman ko ang tungkol sa pagkawala ng ilan sa aking alaala at ang pagkakaayos namin ni Noven.
Sa nakalipas na araw na iyon ay lalong pinaramdam sa akin ng aking asawa ang pagmamahal at pag-aaruga niya sa amin ng aming anak sa aking sinapupunan.
Naranasan din namin ang mamuhay ng simple kaya malaking tulong ang pagtira namin sa probinsiya dahil natuto kaming makuntento at mamuhay ng payapa. Umiling ako at natawa nang makita ang kotse niyang nakaparada sa gilid ng bahay. Iba yata pala ang depinisyon ng simple kung si Noven ang usapan.
Napangiti ako. Sino ang mag-aakala na ang isang gwapong bilyonaryo ay mahahanap mo na lang isang araw sa isang bulubunduking lugar na nagsisibak ng panggatong, nag-iigib ng tubig sa balon, naghahanap ng
