CHAPTER 78
TRISTAN's (MIKO) POV:
Pag-igting na lamang ng aking panga ang siyang nagawa ko habang tinitingnan ang pag-alis nila Annie at Aeron sa hapag-kainan. Sabay silang pumasok sa kwarto dahilan para makaramdam ako ng selos.
May tiwala ako kay Annie na hindi niya magagawang magpa-galaw kay Aeron. Pero pagdating sa lalaking 'yon ay wala akong tiwala.
"Tulala ka yata Mr. Dela Cuesta? Sino ba ang tinitingnan mo? Yung pinsan ko ba?" bigkas ni Hazel hudyat upang mabalik ako sa aking katinuan.
"Oo, siya nga ho ang tinitingnan ko Ma'am at ang lalaking kasama niya," pag-aamin ko sa dalaga.
Wala namang dahilan para magsinungaling ako. Mas mabuti nang nagiging tapat ako kay Hazel para mas madali kong makuha ang kanyang loob.
"Kilala mo si Aeron?" nagtatakang bigkas niya.
"Hindi naman. Me
